A Xunta licita por máis de 1 M€ as obras que completan a mellora da PO-234 entre Cerdedo-Cotobade e Ponte Caldelas
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- Trátase de actuar na vía entre Laxoso e o cruce do Portasouto, incluíndo a mellora dos itinerarios peonís, da calzada e dos seus elementos para reforzar a seguridade viaria
- Intervirase na corrección do trazado e ampliarase a calzada ata os 7 metros de ancho, ademais de mellorar as interseccións dos viarios públicos coa estrada autonómica
- A Plataforma de Contratos Públicos de Galicia recolle hoxe a licitación, establecendo como prazo ata o vindeiro 22 de abril para que as empresas poidan presentar as súas ofertas
- O obxectivo da Xunta é iniciar as obras en xullo, cun prazo de execución de 8 meses
Santiago de Compostela, 27 de marzo de 2024
A Xunta vén de licitar hoxe por 1.023.808 euros as obras de acondicionamento da estrada autonómica PO-234 entre Laxoso e o cruce do Portasouto, no concello de Ponte Caldelas.
A Plataforma de Contratos Públicos de Galicia publica hoxe esta contratación, que completará as actuacións de mellora da PO-234 entre Cerdedo-Cotobade e Ponte Caldelas, incluíndo nas obras a mellora puntual do trazado, a ampliación da calzada e a mellora das interseccións das vías públicas coa estrada autonómica.
As empresas interesadas neste contrato poderán presentar as súas ofertas ata o día 22 de abril. Os traballos contan cun prazo de execución de 8 meses.
O obxectivo da Xunta é adxudicar as obras no mes de xuño e comezar os traballos no mes de xullo, cun prazo de execución de 8 meses.
O investimento global desta nova intervención supera os 1,14 M€, tendo conta o pagamento dos predios precisos para executar esta obra, que abrangue o tramo de preto de 1,6 km da PO-234, entre os puntos quilométricos 2+580 e 4+150.
Máis en detalle, as actuacións inclúen a mellora puntual do trazado e a ampliación da calzada ata os 7 metros de ancho, acadándose 2 carrís de 3 metros e 2 beiravías de 0,50 metros, co obxecto de mellorar a seguridade viaria.
Tamén se intervirá nas interseccións e executaranse cunetas de seguridade e melloras da drenaxe transversal e lonxitudinal da vía. Ademais reporase a sinalización horizontal e vertical e as barreiras de seguridade flexibles.
Con esta actuación o Goberno galego completará o acondicionamento desta estrada autonómica que conecta os núcleos de Ponte Caldelas e Aguasantas, no municipio de Cerdedo-Cotobade, cuxas dúas primeiras fases foron xa executadas e supuxeron un investimento autonómico de preto de 1,25 M€.
A execución da mellora desta vía dividiuse en tres fases. Xa está a disposición dos veciños o tramo mellorado entre o cruce do Portasouto e Aguasantas e tamén está acondicionado o treito entre Ponte Caldelas e Laxoso.
