A Xunta anima aos concellos e ao sector mar-industria a participar na consulta pública previa do regulamento de costas para frear a pretensión do Goberno central de expulsar as instalacións asentadas no litoral

• O Goberno autonómico denuncia a falta de transparencia do Executivo central na tramitación dunha norma que foi anulada polo Tribunal Supremo e que pretende avanzar no seu obxectivo de eliminar calquera vestixio de presenza humana da costa independentemente do seu impacto social e económico
• Ángeles Vázquez lamenta que se trata dunha consulta formal pero non real pois non se prevén cambios importantes no texto, que parte de premisas erradas como que a costa está masificada ou datos que equiparan Galicia co Mediterráneo
• A vicepresidenta segunda en funcións traslada o apoio da Xunta na defensa dos intereses das instalacións asentadas en dominio público marítimo-terrestre co fin de evitar prexuízos no desenvolvemento futuro da súa actividade
• Alfonso Villares aposta por avanzar na colaboración co complexo mar-industria galego para defender a persoas e empresas que xeran riqueza na súa contorna e contribúen a fixar poboación nas zonas costeiras