A Xunta incrementou máis dun 65% nos últimos catro anos o seu apoio ao teatro afeccionado a través da colaboración con Fegatea
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- "O Circuíto galego de Teatro Amador chega a máis de 6.000 espectadores e mobiliza 800 persoas, co correspondente fluxo económico", explica Román Rodríguez
- Este ano conmemórase o 24 aniversario da federación cunha xornada específica
Estas imágenes pertenecen a Página Oficial de la Xunta de Galicia
SantIago de Compostela, 20 de marzo de 2024
O conselleiro de Cultura, Educación, FP e Universidades en funcións, Román Rodríguez, e a presidenta da Federación Galega de Teatro Afeccionado (FEGATEA), Chelo Pampillón, asinaron un convenio de colaboración para o circuíto teatral que impulsa a entidade. "Un acordo co que consolidamos un incremento de máis do 65% nos últimos catros anos no apoio da Xunta ao impulso do teatro afeccionado por todo o territorio galego", destacou o conselleiro en funcións.
Non en balde, o importe do convenio ascende desta vez a 51.500€, fronte aos 30.000€ consignados hai catro anos. "Con esta achega queremos reforzar o soporte a FEGATEA, que organiza anualmente o Circuíto Galego de Teatro Amador, coa previsión de chegar a arredor de 6.000 espectadores", salientou Román Rodríguez.
O titular en funcións do departamento de Cultura do Goberno galego explicou que o feito de que as compañías non poidan actuar na cidade na que radica o seu domicilio social "promove unha gran mobilidade xeográfica dos grupos e supón o desprazamento dunhas 800 persoas, redundando nun importante fluxo económico vencellado á cultura".
Ata 80 representacións
O Circuíto Galego de Teatro Amador ten carácter autonómico e ao seu abeiro desenvolveranse arredor de 80 representacións. Así mesmo, o acordo inclúe a celebración do Festival de Teatro Amador Agustín Magán, en diversos espazos de Santiago, para achegar as últimas propostas escénicas de grupos federados das catro provincias galegas.
A maiores, este ano desenvolverase a xornada 24 anos celebrando o Teatro Amador Galego, conmemorativa do 24 aniversario da Federación Galega de Teatro Afeccionado e co obxectivo de dar visibilidade ao traballo que realizan os 57 grupos federados. O programa contempla a realización de 16 actuacións de microteatro, co fin de poñer de relevancia a potencia do teatro amador galego.
