A Xunta publica no Diario Oficial de Galicia o cambio de titularidade a prol do concello de Padrenda de distintos treitos da estrada autonómica OU-801 no núcleo da Agra
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- Esta transferencia atende unha solicitude do goberno local, que prevé actuar para mellorar a área recreativa da Agra
- O Concello asume a titularidade destes treitos e terá a responsabilidade da súa conservación e mantemento
3 O Diario Oficial de Galicia (DOG) publica hoxe o cambio de titularidade a prol do Concello de Padrenda de distintos treitos da estrada autonómica OU-801 no núcleo da Agra.
Concretamente, transfírese a titularidade de dous treitos antigos na marxe dereita da OU-801, de 108 e 220 metros de lonxitude, respectivamente, xunto co seu dominio público.
O cambio de titularidade inclúe, ademais, a franxa de dominio público da área recreativa da Agra, cunha superficie de 2.360 m2, situada na marxe esquerda da OU-801, entre o punto quilométrico 23+050 e o 23+120.
A Xunta da así resposta á solicitude do Concello, que prevé actuar na mellora da área recreativa da Agra.
A transferencia tramítase de acordo co previsto na Lei 8/2013, do 28 de xuño, de estradas de Galicia, que establece a súa aprobación por decreto da Xunta, a proposta da Consellería competente en materia de estradas, e logo do acordo entre as administracións implicadas.
Coa publicación hoxe deste decreto, o Concello de Padrenda terá a competencia para actuar nesta vía e asume a responsabilidade da súa conservación e mantemento.
Na seguinte ligazón ao DOG pódese ampliar a información relativa a esta transferencia, aprobada na reunión do Consello da Xunta do pasado 19 de xaneiro: https://acortar.link/P6d4KV
Este decreto producirá efectos desde o día seguinte ao da súa publicación no Diario Oficial de Galicia, é dicir, desde mañá.
