EL PROGRAMA "BEASAIN LAGUNKOIA, SUSTRAIETATIK" EN MARCHA

El Ayuntamiento de Beasain ha puesto en marcha el programa Lagunkoia con la ayuda de la Fundación Matia. El objetivo radica en que "con la participación de las personas mayores, crearemos un Beasain amigable y con la posiblidad de envejecer en Beasain". Es un proyecto que comenzó en el año 2005 por la Organización Mundial de la Salud y lo ha puesto en marcha el Departamento de Empleo y Políticas Sociales del Gobierno Vasco bajo el lema de Euskadi Lagunkoia. 

Aitor Aldasoro alkateak prentsaurrean azpimarratu duenez, "gizartearen ongizatean aurrerapausoak eman nahi dira. Pertsona helduak izango dira lehenengo jomuga. Pertsonak dira helburu, parte hartzea da programaren puntu garrantzitsu, herritarrek izan behar baitute protagonista. Asmuberekin, Aranealderekin eta Nagusilanekin bidea hasi dugu, eta gainerako herritarrak gonbidatu nahi ditugu programan parte hartzera".

Matia Fundazioak bideratuko du programa. "Gero eta adineko pertsona gehiago daude eta horiek gero eta gehiago bizi dira ingurune urbanoan. Erantzuna nola eman ikusteko eta zahartzaro aktibo bat nola bultzatu erakusteko metodologia bat sortu zuen Osasunaren Mundu Erakundeak. Orain, lagunkoitasun mugimendura atxikitzeko nahia azaldu du Beasainek", argitu du Ainara Tomasenak.

Diagnosia, zortzi arlotan

Lehenengo pausoa "herriaren argazki bat edukitzea da, diagnostikoa egitea. Horretarako, herritarrek beraiek esan behar dute herrian zer dagoen ondo eta zer ez hain ondo, eta etorkizunean nolako Beasain nahi duten", nabarmendu du Tomasenak. Herriaren argazki hori egiteko zortzi arlo aztertuko dituzte: etxebizitza, garraioa, aire libreko espazioak eta eraikin publikoak, herritarren parte hartzea, enplegua, errespetua eta inklusioa, informazioa eta komunikazioa, eta osasun eta gizarte zerbitzuak. "Gure egunerokotasunean eragina daukaten arloak dira. Arlo horiek guztiak landuta pertsona bakoitzaren bizitza hobetu dezakegu", gaineratu du Tomasenak.

Diagnostiko egoki bat egiteko urtebete edo bi urteko denbora tartea beharko dela aurreratu dute. Lan horretarako herritarren eta herriko elkarteen inplikazioa ezinbestekoa dela azpimarratu dute. Aldasororen esanetan, "hortik etorriko dira ekintza desberdinak, bai udalak gauzatu beharko lituzkeenak, edo eta udalaren eskutik herritarrek gauzatu beharko lituzkeenak".