A Xunta e a Asociación As San Lucas de Mondoñedo tratan novas colaboracións para as festas deste ano
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
Estas imágenes pertenecen a Página Oficial de la Xunta de Galicia
Lugo, 26 de xullo de 2024
O delegado territorial da Xunta en Lugo, Javier Arias, reuniuse hoxe con representantes da asociación As San Lucas de Mondoñedo para tratar novas colaboracións de cara á celebración das Festas das San Lucas deste ano.
A Xunta cooperará na loxística do evento, que atrae a multitude de visitantes. En concreto, o Goberno galego financiará a instalación de gradas na praza da Catedral para mellorar a seguridade e a visibilidade na espectacular baixada dos cabalos polo casco vello e na exhibición de doma nocturna. Tamén a colocación de aseos nas xornadas festivas para ofrecer máis confort ao público asistente.
O delegado lembrou que a Administración autonómica apoia anualmente esta celebración con diferentes instrumentos de colaboración, como as axudas destinadas á promoción e difusión das Festas de Interese Turístico de Galicia. Na convocatoria deste ano concedéronse 4.000 euros para a festa e feira mindoniense.
