Os galegos de orixe ou ascendencia que residan no estranxeiro e visiten Galicia xa poden acceder á tarxeta sanitaria dixital da Xunta
Estas imágenes pertenecen a xunta.gal
- A tarxeta Galicia Saúde Exterior Virtual pode descargarse a través da app Sergas Móbil
- A tarxeta virtual permite efectuar calquera xestión no Servizo Galego de Saúde e nas farmacias
Santiago de Compostela, 12 de xullo de 2024
A Xunta pon desde hoxe a tarxeta sanitaria Galicia Saúde Exterior Virtual á disposición de galegos de orixe ou ascendencia que, residindo no estranxeiro, realicen estadías temporais en Galicia e teñan dereito á asistencia sanitaria a través da tarxeta Galicia Saúde Exterior.
Deste xeito, os interesados poden realizar a súa descarga a través da app Sergas Móbil.
A través desta iniciativa, a persoa usuaria disporá da súa tarxeta sanitaria almacenada dentro da aplicación móbil e será equivalente á tarxeta física. Así, poderá efectuar as xestións necesarias no Servizo Galego de Saúde e nas farmacias.
Esta medida foi impulsada pola Consellería de Sanidade, en colaboración coa Secretaría Xeral da Emigración, dependente da Consellería de Emprego, Comercio e Emigración.
