Os traballos da prolongación da autovía AG-59 desde A Ramallosa a Pontevea farán necesario un corte de tráfico do vial municipal de Pite, en Teo, a partir do mércores
Estas imágenes pertenecen a xunta.gal
- O corte temporal, que se prolongará desde mañá e durante 3 meses, permitirá a construción do paso Inferior do Eixe 12 no marco da obra de prolongación desta autovía, que é atravesado polo trazado do tronco da AG-59
- Durante as obras estará garantido o acceso do tráfico entre Pite e a estrada AC-841 que se desviará polo núcleo de Luci
- A Xunta segue avanzando no novo treito da autovía libre de peaxe Santiago-A Estrada, a cuxas obras destina un investimento de máis de 32,3M€, para habilitar 3,5 quilómetros da AG-59, dándolle continuidade ao treito en servizo entre Santiago e A Ramallosa
Santiago de Compostela, 2 de xullo de 2024
Os traballos da prolongación da autovía autonómica AG-59 desde Ramallosa a Pontevea, no concello de Teo, farán necesario o corte de tráfico no vial municipal situado no lugar de Pite, a partir deste mércores.
O corte temporal deste vial, que se prolongará desde mañá, día 3, e durante 3 meses, é necesario para realizar a construción do paso Inferior do Eixe 12 no marco da obra de prolongación da autovía, que é atravesado polo trazado do tronco da AG-59.
En todo caso, este corte polo tronco non afectará o acceso das vivendas do núcleo poboacional de Pite, téndose xa programado a correspondente habilitación de desvíos alternativos para el tráfico. Deste xeito, o tráfico entre Pite e a estrada AC-841 desviarase polo núcleo de Luci.
En concreto, o corte temporal deste vial municipal permitirán realizar a construción do citado paso inferior e cuxos traballos comezarán pola escavación da cimentación do paso inferior, para continuar coa execución de cimentación, alzados e laxa superior do paso inferior in situ.
Os traballos proseguirán coa execución da drenaxe transversal da autovía, para rematar coa reposición de firmes e pavimentos da estrada local de acceso a Pite.
Con estes traballos séguese avanzando na execución das obras deste novo treito da autovía libre de peaxe Santiago-A Estrada, cuxas obras suporán un investimento de máis de 32,3 M€, permitirán habilitar 3,5 quilómetros da AG-59, dándolle continuidade ao treito de autovía libre de peaxe que xa se atopa en servizo entre Santiago de Compostela e A Ramallosa.
