O Servizo Galego de Saúde publica a relación definitiva das listas de selección temporal de 11 categorías de persoal estatutario
Estas imágenes pertenecen a xunta.gal
- Resultaron admitidas 3.833 persoas
- Entran en vigor a efectos de chamamentos mañá día 28
- O 15,47 % foron novas inscricións realizadas despois da data límite de presentación do anterior proceso
Santiago de Compostela, 27 de xuño de 2024
O Diario Oficial de Galicia publica hoxe a relación definitiva coa orde de prelación e a puntuación obtidas polas persoas aspirantes admitidas no proceso de elaboración das listas de selección temporal de diversas categorías: enfermeiro especialista en enfermaría de saúde mental, enfermeiro especialista en enfermaría do traballo, enfermeiro especialista en enfermaría familiar e comunitaria, enfermeiro especialista en enfermaría obstétrico-xinecolóxica (matrona), enfermeiro especialista en enfermaría pediátrica, médico de familia, médico de urxencias hospitalarias, médico coordinador do 061, médico asistencial do 061, pediatra de atención primaria e técnico de saúde de atención primaria.
O total de aspirantes admitidos foi de 3.833 persoas e por categorías foron 159 en enfermeiro especialista en enfermaría de saúde mental, 120 en enfermeiro especialista en enfermaría do traballo, 616 en enfermeiro especialista en enfermaría familiar e comunitaria, 520 en enfermeiro especialista en enfermaría obstétrico-xinecolóxica (matrona), 180 en enfermeiro especialista en enfermaría pediátrica, 1.081 en médico de familia, 555 en médico de urxencias hospitalarias, 133 en médico coordinador do 061, 192 en médico asistencial do 061, 99 en pediatra de atención primaria e 177 en técnico de saúde de atención primaria.
No caso dos aspirantes de médico de familia, todos os profesionais están traballando actualmente no Servizo Galego de Saúde en atención primaria ou ben en urxencias, dado que o Ministerio de Sanidade ten pendente a creación desta especialidade. En casos puntuais, algún aspirante pode estar en suspensión de chamamentos por motivos persoais.
O número de novas inscricións en relación ao pasado ciclo é de 18 en enfermeiro especialista en enfermaría de saúde mental, 9 en enfermeiro especialista en enfermaría do traballo, 229 en enfermeiro especialista en enfermaría familiar e comunitaria, 37 en enfermeiro especialista en enfermaría obstétrico-xinecolóxica (matrona), 27 en enfermeiro especialista en enfermaría pediátrica, 128 en médico de familia, 72 en médico de urxencias hospitalarias, 10 en médico coordinador do 061, 25 en médico asistencial do 061, 26 en pediatra de atención primaria e 35 en técnico de saúde de atención primaria.
As listas atópanse publicadas, a disposición das persoas interesadas, na páxina web do Servizo Galego de Saúde, no apartado Emprego Público-Listaxes de persoal estatutario. Ademais, o estado de cada solicitude pode ser consultado polo aspirante no seu expediente electrónico persoal en Fides/expedient-e/sección de procesos.
Entrarán en vigor a efectos de chamamentos o día 28 de xuño de 2024.
