A Xunta leva este xoves á Coruña o concerto de Maná no marco da programación de Gozo Festival
- É unha das distintas citas deste encontro que conta co apoio de Turismo de Galicia e que levará tamén á cidade herculina o vindeiro mes de decembro a Rod Stewart
Santiago de Compostela, 25 de xuño de 2023
A Xunta de Galicia impulsa este xoves o concerto dos mexicanos Maná en A Coruña no marco de Gozo Festival, unha das grandes citas musicais que apoia o Goberno galego este ano no seu obxectivo por promover e apoiar grandes eventos musicais que sexan quen de atraer distintos tipos de público e que poidan converterse en efecto tractor para o turismo e reforzar a imaxe de Galicia nacional e internacionalmente.
O concerto, promovido pola productora Sweet Noctura, será ás 22,00 horas na cidade herculiina e forma parte da xira México lindo y querido. España Tour 2024. Considerado un dos grupos de rock en español máis influíntes do mundo e un dos grupos latinos máis importantes de todos os tempos, Maná leva case 40 anos trascendendo xeracións coa súa música. Suman 133 álbumes de ouro, 256 de platino, 4 premios Grammy, 9 Grammy latinos, entre outros moitos.
Este concerto é un dos que están programadas dentro de Gozo Festival en distintas cidades con máis de 20 artistas confirmados. Na cidade da Coruña, hai uns días actuaron Queens of Stone e en decembro, o día 15 de decembro será a quenda de Rod Stewart para o que xa están á venda as entradas. Ademais, O Gozo Festival levará o vindeiro 6 de xullo a Ed Sheeran ao Monte do Gozo, en Santiago de Compostela, acompañado, entre outros, de Bomba Estéreo ou Fillas de Casandra. Tamén está programada unha xornada de música electrónica no mesmo escenario ou o concerto de Loreena McKennit no Auditorio Mar de Vigo.
