A Xunta fai entrega dunha vivenda de promoción pública, en réxime de alugueiro en Parderrubias, no concello da Merca
- Trátase dunha vivenda unifamiliar rehabilitada que consta dunha superficie útil total de 91,56 m2 distribuídos en dúas plantas, máis un garaxe de 19,54 m2 e un rocho de 7,32 m2
- A adxudicación da vivenda foi realizada a través do Rexistro de Demandantes de Vivenda de Galicia
- No Concello da Merca existen outras 16 vivendas de promoción pública, que foron adxudicadas por parte da Xunta
A Merca (Ourense), 18 de xuño de 2024
A titular de Vivenda e Planificación de Infraestruturas, María Martínez Allegue, entregou esta mañá aos seus adxudicatarios unha vivenda de promoción pública construída polo Instituto Galego da Vivenda e Solo en Parderrubias, no concello da Merca. A conselleira estivo acompañada polo alcalde de A Merca, Manuel Garrido Sampedro, e o delegado da Xunta en Ourense, Manuel Pardo.
Trátase dunha vivenda unifamiliar, que foi adquirida e rehabilitada pola Xunta de Galicia e que consta de planta baixa e primeiro andar, cun patio de acceso.
A superficie útil total da vivenda é de 91,56 m2, máis un garaxe de 19,54 m2 e un rocho de 7,32 m2 .
Na planta baixa sitúase a cociña-comedor, un lavadoiro, un aseo, e os anexos citados anteriormente, é dicir, o rocho e o garaxe. No primeiro andar dispóñense tres dormitorios, o salón e un baño.
A vivenda entregouse despois de realizar obras de mellora, por importe de 15.000 euros, posto que xa fora adxudicada anteriormente a outros beneficiarios que habitaron na mesma durante anos. Unha vez recuperada a vivenda, a Xunta realizou actuacións de adecuación da mesma, consistente fundamental en pintura de paredes e carpinterías e substitución da caldeira por outra máis eficiente
A adxudicación da vivenda foi realizada a través do Rexistro de Demandantes de Vivenda de Galicia, tal como estable a normativa vixente
Cómpre lembrar que no Concello da Merca existen outras 16 vivendas de promoción pública, que foron adxudicadas por parte da Xunta.
