Manuel Pardo destaca o compromiso da Xunta co termalismo no Plan Territorial de Sustentabilidade Turística en Vilas Termais e Cascos Históricos

• O delegado territorial destacou que esta actuación, incluída no Plan de Sustentabilidade Turística en 'Ourense Termal', execútase grazas a un convenio de colaboración entre a Axencia de Turismo de Galicia, a Secretaría de Estado de Turismo, e a Deputación de Ourense
• O Plan permitirá investir máis de 3 M€ nos quince municipios rurais termais da provincia (A Arnoia, Bande, Baños de Molgas, Boborás, O Carballiño, Castrelo de Miño, Cenlle, Cortegada, Leiro, Lobios, Monterrei, Muíños, Punxín, Ribadavia e Verín)
• O representante do Goberno galego subliñou que "dende a Xunta puxemos como unha das nosas liñas primordiais de actuación as augas termais, impulsando o termalismo como elemento dinamizador socioeconómico do territorio, cunha xestión turística máis sustentable"
• Manuel Pardo tamén lembrou que a Xunta de Galicia vén de crear a Área de Turismo Termal, con sede en Ourense, que ten como obxectivo promover a proxección exterior de Galicia como un referente neste ámbito