A Xunta salienta a enorme calidade das ensinanzas artísticas en Galicia que cursan 6.000 estudantes

Vigo, 11 de xuño de 2024

A Directora xeral de FP, Eugenia Pérez, asistiu ao acto de Graduación da Promoción do Grao 2020/2024 e do Máster 2023/2024 dos alumnos do Conservatorio Superior de Música de Vigo.

A representante da Consellería de Educación, Ciencia, Universidades e FP felicitou aos graduados e destacou as oportunidades que lles abre a alta calidade da formación académica recibida, que cualificou como "de primeira orde".

Os estudantes do Máster en Ensinanzas Artísticas en Creación, Interpretación e Investigación manual son os primeiros en recibir este título. Esta especialidade implantouse este curso por primeira vez na nosa Comunidade Autónoma co nivel Meces 3, o mesmo que nos Másteres universitarios oficiais. Na gradación, tamén se entregaron os galardóns XIII Concurso de Composición Martín Códax,  X Concurso de música de cámara 2024 e X Concurso de solistas 2024 a Raúl Martínez, Manuel Muñiz, Adrian Silva, Álvaro Pérez, Óscar Panigua e Sara Balboa.

O Conservatorio Superior de Música de Vigo ofrece unha ampla variedade de estudos de calidade. Entre eles, todos os itinerarios orquestrais, así como cursos de especialidades de creación como Composición e Produción e Xestión investigación, Musicoloxía ou Pedagoxía. Os 17 alumnos de máster e os 32 de grao forman parte dos 6.000 matriculados nos centros de ensinanzas artísticas neste curso 2023/2024 en Galicia.