A Xunta porá en marcha un novidoso Plan de Formación, asesoramento e titorización para o agro, co fin de afianzar o seu futuro e favorecer a remuda xeracional

• María José Gómez trasladou que esta iniciativa irá dirixida a varios colectivos: aos mozos que reciben axudas ou que se están formando para ampliar a súa conexión coa realidade laboral; ás persoas de nova incorporación e aos profesionais en activo
• Enmarcou este plan no eixo a prol dun rural con futuro, que constituirá un dos tres piares do seu traballo á fronte de Medio Rural, xunto co rural produtivo e coidado, por un lado, e o rural como sinónimo de calidade e de innovación, por outro
• Avanzou que o novo Mapa de Usos Agroforestais de Galicia aprobarase neste mesmo ano, no que tamén se activará o Banco de explotacións e se presentará o anteproxecto de Lei de montes veciñais en man común, entre outras actuacións
• Recordou a Lei de recuperación da terra agraria, o Banco de terras e as concentracións e reestruturacións parcelarias, e afirmou que coa suma de todos estes instrumentos estanse mobilizando máis de 100.000 hectáreas de terra
• Anunciou a celebración de sete grandes feiras de promoción dos produtos galegos de calidade diferenciada en cada unha das cidades galegas e a creación dunha central de compras para axudar aos produtores na comercialización