O Servizo Galego de Saúde licita a reforma da Unidade de diagnóstico de Aparello Dixestivo do Hospital Álvaro Cunqueiro de Vigo
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- A Xunta destina 382.806 euros a unha actuación que permitirá dotar dunha sala de procesamentos dixestivos avanzada de 81 metros cadrados de superficie
Santiago de Compostela, 10 de xuño de 2024
O Servizo Galego de Saúde vén de publicar no Portal de Contratos Públicos de Galicia o anuncio de licitación da obra de reforma da Unidade de diagnósticos de Aparello dixestivo do Hospital Álvaro Cunqueiro de Vigo.
Segundo establece o contrato licitado, a Xunta destinará unha partida de 382.806 euros a unha actuación coa que optimizará a calidade asistencial aos pacientes do centro hospitalario da cidade olívica.
A reforma incidirá nos dous gabinetes de exploración existentes na planta -1 do Hospital Álvaro Cunqueiro, dando lugar a unha nova área de diagnóstico, que contará cunha superficie de 81 metros cadrados.
As melloras previstas nas salas de probas funcionais e de gastroscopias do servizo de aparello dixestivo do Hospital Álvaro Cunqueiro responderán á necesidade deste centro de contar cunha sala de procesamentos dixestivos avanzada.
Nesta liña, o proxecto de reforma prevé unha sala principal de procesamentos dixestivos, unha sala de control, un local destinado ao persoal e unha esclusa mixta de comunicación.
