Galicia apoia a Canarias nas xestións para exercer plenamente as súas competencias sobre o litoral fronte ás trabas do executivo central

• O Goberno canario está a seguir un camiño moi semellante ao do galego pois presentou un recurso ante o Tribunal Constitucional para defender as súas atribucións neste eido ao tempo que traballa no deseño da Lei Canaria de Costas
• Ángeles Vázquez traslada a disposición da Xunta a colaborar na medida do posible e prestar asesoramento para que a comunidade canaria conte cunha normativa para a xestión da costa completa e sólida como a galega
• A conselleira de Medio Ambiente e Cambio Climático defende a importancia de que as comunidades actúen unidas para frear aquelas decisións do Executivo central que pretenden eliminar a presenza de calquera actividade humana da costa
• A Administración galega sostén que as comunidades autónomas son as máis indicadas para xestionar o seu litoral pois coñecen mellor as súas necesidades e as características das actividades que se desenvolven nel combinando os aspectos medioambientais cos socioeconómicos