A Xunta avanza na tramitación do Plan de xestión da Serra de Pena Corneira que compatibiliza a protección deste espazo co seu uso público

• O proxecto de decreto, sometido a consideración do Cogamads, busca identificar os valores a protexer, os posibles riscos, as normas de aproveitamento do solo e dos recursos naturais así como de acceso da poboación ao monumento natural
• Ángeles Vázquez detalla que entre as actuacións previstas ao abeiro deste documento están, entre outras, a realización dun inventario dos valores xeomorfolóxicos existentes, o establecemento de acordos coas mancomunidades de montes para o fomento da súa conservación e un mantemento silvícola sostible
• A titular de Medio Ambiente e Cambio Climático subliña que o plan será elevado nas próximas semanas ao Consello da Xunta para a súa aprobación e posteriormente publicarase no Diario Oficial de Galicia para a súa entrada en vigor