A Xunta publica os decretos que establecen as estruturas orgánicas da consellería de Sanidade e do Servizo Galego de Saúde

• Créase a Subdirección Xeral de Atención á Saúde Mental no Servizo Galego de Saúde, que se encargará de establecer fórmulas organizativas e programas asistenciais para unha atención integral e integrada
• A Dirección Xeral de Saúde Pública contará con tres subdireccións xerais, ademais do Centro Galego para o Control e Prevención das Enfermidades e do Servizo de Información de Saúde
• A atención primaria preséntase como un elemento clave e fundamental nun modelo cun compoñente comunitario e social inherente ás necesidades actuais da cidadanía
• A voz e as necesidades dos pacientes e das súas asociacións serán tamén un obxectivo principal na nova organización
• Créase a Unidade de Procesos de Enfermería, dependente da Dirección Xeral de Asistencia Sanitaria, que ofrecerá un servizo transversal de soporte na elaboración, control e seguimento dos coidados e terá funcións de coordinación
• O novo Servizo de Xestión Intelixente do Dato e a Intelixencia Artificial canalizará a incorporación das tecnoloxías bigdata, opendata e intelixencia artificial ao sistema sanitario
• Apóstase por fomentar a humanización na asistencia sanitaria, cunha concepción integral de saúde, e poñendo á cidadanía e ao paciente como centros do sistema