A Xunta contrata por case 110.000 € a instalación de paneis solares fotovoltaicos na planta de residuos voluminosos de Cerceda
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- Os traballos teñen como fin executar as obras necesarias para a colocación, montaxe e posta en servizo destes novos elementos e reducir a factura enerxética actual
Santiago de Compostela, 18 de maio de 2024
A Xunta acaba de adxudicar por un importe de 108.540,48 euros, IVE incluído, os traballos para a instalación de paneis solares fotovoltaicos na planta de tratamento e xestión de residuos voluminosos localizada no concello coruñés de Cerceda.
Cun prazo de execución de dous meses, o contrato ten como obxectivo a realización das obras e traballos destinados á colocación dunha serie de paneis para autoconsumo nesta instalación, adscrita á Consellería de Medio Ambiente e Cambio Climático.
A adxudicataria deberá facerse cargo da montaxe e posta en servizo dunha nova instalación fotovoltaica na planta co fin de que o seu consumo anual enerxético sexa igual ou superior ao 80% da enerxía xerada ao ano por estes paneis.
Ademais, búscase reducir os custos desta instalación —destinada a tratar os voluminosos desde a súa entrada na planta e a xestionar os residuos e as fraccións reciclables que se xeran na mesma— a través dunha rebaixa da factura enerxética actual das instalacións, avanzando cara a unha menor dependencia dos combustibles fósiles.
Neste sentido, cómpre lembrar que esta nova adxudicación —que se financiará con fondos do programa NextGenerationUE a través do Plan de recuperación, transformación e resiliencia— está enmarcada na aposta decidida da Xunta polas enerxías renovables e, dentro delas, pola enerxía solar fotovoltaica.
