A nova UCI do hospital de Ourense mellora a seguridade clínica, o seguimento e humanización dos pacientes e o traballo dos profesionais

Imagen del artículo A nova UCI do hospital de Ourense mellora a seguridade clínica, o seguimento e humanización dos pacientes e o traballo dos profesionais

Estas imágenes pertenecen a xunta.gal

  • O xerente recalca o esforzo continuo da Consellería de Sanidade para captar profesionais, tanto para o servizo de urxencias como para os de oftalmoloxía e rehabilitación
  • Sinala que xa comezaron os primeiros contactos cos responsables clínicos e coas sociedades científicas e organizacións sindicais para abordar solucións ás necesidades de persoal
  • O seu departamento está xa a avaliar as melloras precisas na área cun novo equipo na Xerencia "que vai traballar sen descanso", asegura

Santiago de Compostela, 16 de maio de 2024

O xerente do Servizo Galego de Saúde, José Ramón Parada Jorgal, remarcou hoxe que a nova UCI do Hospital Universitario de Ourense mellora a seguridade clínica, a monitorización, individualización, humanización e luminosidade, entre outros aspectos, ademais de repercutir positivamente nas cargas de traballo dos profesionais e no seu propio benestar.

Así o asegurou na Comisión 5ª do Parlamento de Galicia, onde incidiu en que o proceso de apertura e posta en marcha contou coa participación dos profesionais da UCI, como así se seguirá a traballar de cara á posta en marcha da segunda fase da unidade, "a partir do verán", dixo.

No que atinxe ás contratacións, José Ramón Parada, dixo que o seu departamento está a traballar, ofertando para esta área sanitaria determinados postos de difícil cobertura para atraer profesionais. Ademais, a Consellería de Sanidade vai elaborar un Plan de recursos humanos que permita analizar as necesidades para poder planificar, recollendo este tipo de situacións e peculiaridades, tendo en conta a situación xeral de falta de profesionais nalgunhas especialidades.

Xunto ao anterior, o xerente recalcou o esforzo continuo do equipo directivo da área en captar profesionais, tanto para o servizo de urxencias como para os de oftalmoloxía e rehabilitación.

Sinalou, ademais, que xa comezaron os primeiros contactos, tanto cos responsables clínicos como coas sociedades científicas e organizacións sindicais, para buscar solucións ás necesidades de persoal e esa será, dixo, "unha das nosas liñas prioritarias de traballo".

Para facer propostas máis atractivas, José Ramón Parada incidiu en que a Xunta puxo en marcha a normativa con medidas para cubrir as prazas de difícil cobertura, que beneficiou especialmente á área de Ourense e que permitiu ofertar 106 prazas de facultativo especialista de atención primaria no 2022 e 72 no pasado ano.

Para rematar a súa intervención, o responsable do Sergas sinalou que o seu departamento xa está a encarar as melloras precisas para esta área sanitaria, cun novo equipo na Xerencia "que vai traballar sen descanso pola área de Ourense, Verín e O Barco de Valdeorras", asegurou.

"" https://govclipping.com/modules/controller/UserDatasetActionsController.php Lista creada! La lista ha sido creada y la noticia añadida correctamente. Lista modificada! El título de la lista ha sido modificada correctamente. Eliminar lista: @text@ ¿Estás seguro de que quieres eliminar esta lista? Todas las noticias que contiene serán desmarcadas. Lista eliminada! La lista ha sido eliminada correctamente. Error! Error al eliminar la lista. Aceptar Cancelar https://govclipping.com/modules/controller/NewslettersController.php ¡Suscripción realizada! Te has suscrito correctamente a la newsletter de GovClipping. Algo salió mal No ha sido posible suscribirte a la newsletter. Vuelve a introducir tu email o inténtalo de nuevo más tarde.
24402 {"title":"A nova UCI do hospital de Ourense mellora a seguridade clínica, o seguimento e humanización dos pacientes e o traballo dos profesionais","published_date":"2024-05-16","region":"galicia","region_text":"Galicia","category":"press_release","category_text":"Notas de prensa","image":"https:\/\/www.xunta.gal\/documents\/35297\/1053346\/20240516+intervensi%C3%B3n+xerente+Parlamento+3.jpg","id":"24402"} galicia C. de Sanidade https://govclipping.com/modules/controller/ArticlesController.php Resaltar Quitar resaltado https://govclipping.com/es/galicia/press_release/2024-05-16/24402-nova-uci-do-hospital-ourense-mellora-seguridade-clinica-seguimento-e-humanizacion-dos-pacientes-e-traballo-dos-profesionais https://govclipping.com/signup https://govclipping.com/modules/controller/UserController.php Sector económico actualizado! El sector económico de tu perfil ha sido actualizado correctamente. Error Por algún motivo no hemos podido tramitar la petición. Vuelve a intentarlo más tarde.