Manuel Pardo pon en valor a tradición vitivinícola do Ribeiro

• O delegado territorial salientou que "O Ribeiro posúe uns pilares moi sólidos na súa tradición de elaboración de viños que constitúe, xunto á riqueza natural e histórico - patrimonial, unha das comarcas máis singulares de Galicia"
• Resaltou a Estratexia de dinamización económica, territorial e turística das comarcas vitivinícolas impulsada pola Xunta, "co fin de motivar o consumo dos produtos galegos, e de protección, para poder garantir a digna subsistencia dos sectores primario e vitivinícola"
• Manuel Pardo recalcou "o enoturismo como un turismo dun alto valor engadido e unha potente ferramenta para o desenvolvemento dun tecido socioeconómico moderno, sustentable e con futuro, nunha contorna como é o Ribeiro"
• As xornadas de portas abertas contará cun 'Bus do viño' que sairá desde as principais cidades de Galicia (A Coruña, Santiago, Ourense, Vigo e Pontevedra), o sábado e o domingo, con destino a diferentes puntos do patrimonio histórico e as adegas do Ribeiro, onde se desenvolverán actividades de enoturismo especialmente deseñadas para esta iniciativa
• Están programadas outras actividades como as catas comentadas, visitas a museos, roteiros monumentais, paseos en EcoBarco, e descontos en aloxamentos e outras accións relacionadas co mundo do viño. Destaca o 'Sábado de tapeo', o sábado 18 na Igrexa da Madalena de Ribadavia; o roteiro 'Ribeiro, entre viño e igrexas' o domingo 19 partindo e chegando de Ribadavia ou o Pic-nic entre viñedos, no Pazo de Toubes, o domingo 19