Martina Aneiros destaca a formación e a colaboración como claves da capacidade de resposta da Xunta ante os ciberataques
Estas imágenes pertenecen a xunta.gal
- A delegada territorial da Xunta en Ferrol participou esta tarde na apertura da xornada 'Resgardando o futuro dixital das pemes de Ferrolterra: estratexias clave de ciberseguridade para o éxito empresarial', organizadas pola Asociación de Jóvenes Empresarios (AJE) de Ferrolterra
Ferrol, 9 de maio de 2024
A delegada territorial da Xunta en Ferrol, Martina Aneiros, participou esta tarde na apertura da xornada Resgardando o futuro dixital das pemes de Ferrolterra: estratexias clave de ciberseguridade para o éxito empresaria, organizadas pola Asociación de Jóvenes Empresarios (AJE) Ferrolterra, onde destacou a capacidade de resposta da Administración autonómica nesta materia. Unha capacidade que, sinalou, "radica nun bo adestramento e formación do persoal empregado público e nunha visión estratéxica fundamentada na colaboración".
Na súa intervención, Aneiros enumerou os recursos e información que a Xunta ten a disposición das empresas nesta materia, dispoñibles a través do portal ciberseguridade.gal e animou aos participantes no evento a facer uso das mesmas e seguir formándose a través da programación dispoñible no centro Gaistech e na Rede de Aulas Cemit.
Na charla, impartida polo CEO da empresa 2ksystems, Pablo Rivera, tomaron parte unha decena de persoas, entre autónomos e pequenos empresarios. Esta acción formativa intégrase na programación gratuíta que a entidade oferta anualmente aos seus asociados.
