O Centro Dramático Galego comparte a celebración do seu 40º aniversario cun espectáculo itinerante por máis de 100 concellos do rural
- José López Campos enmarcou esta iniciativa nos obxectivos que o Goberno galego persegue co deseño da futura Rede Adival para a dinamización cultural nos municipios menos poboados e máis afastados dos principais núcleos urbanos
- As provincias de Lugo e Ourense concentran máis da metade das paradas desta xira, que arranca este domingo en Negueira de Muñiz e se estende ata o 15 de setembro
- O espectáculo sae ao encontro do público nun camión, que serve tamén de escenario para esta proposta dirixida por Sofía Espiñeira e Roberto Casal Mouriño con texto orixinal de Roi Vidal Ponte
Santiago de Compostela, 8 de maio de 2024
O Centro Dramático Galego avanza na celebración do seu 40º aniversario, que entre os meses de maio e setembro compartirá tamén co público dos máis de 100 concellos do rural polos que xirará o espectáculo itinerante De Vilatriste a Vilalegre. Esta coprodución da compañía da Xunta de Galicia e Teatro ó Cubo foi presentada hoxe no Xardín do Teatro da Cidade da Cultura, en Santiago de Compostela, nun acto que contou coa intervención do conselleiro de Cultura, Lingua e Xuventude e ao que asistiron representantes dos municipios nos que se desenvolverá a iniciativa, a metade deles situados nas provincias de Lugo e Ourense.
Na súa intervención, López Campos agradeceulles a todos eles a súa implicación neste proxecto que lles trasladou o Centro Dramático Galego e que, nas súas palabras, pode considerarse "un avance do que será a futura Rede Adival" na que traballa xa o Goberno galego co obxectivo de impulsar a dinamización cultural nos concellos menos poboados e máis afastados dos principais núcleos urbanos.
Programación descentralizada
O conselleiro gabou, así mesmo, o labor que neste sentido levan a cabo día a día os departamentos municipais de Cultura. "Neste caso, o teatro é o noso vínculo cos concellos para descentralizar a programación cultural e compartila tamén co público do rural", sinalou, ademais de poñer o foco na cultura e na lingua galegas como "recursos importantísimos" non só a nivel patrimonial, senón tamén económico e social.
De Vilatriste a Vilalegre inicia o seu percorrido este mesmo domingo en Negueira de Muñiz (Lugo) a bordo de A utópica rodante, o camión que funciona ao tempo como escenario para a representación do espectáculo, conferíndolle xa que logo unha gran mobilidade e capacidade de adaptación a todo tipo de espazos.
Na presentación, á que tamén asistiu o director da Axencia Galega das Industrias Culturais, Jacobo Sutil, interviñeron ademais Fran Núñez, director do Centro Dramático Galego, e Sofía Espiñeira, quen codirixe a montaxe con Roberto Casal Mouriño, a partir do texto orixinal de Roi Vidal Ponte.
Teatro sobre rodas
A compañía puxo en escena un pequeno fragmento da montaxe, interpretada por Uxía Algarra e Roberto Casal, con escenografía de Beatriz de Vega, vestiario de Carmen Pichel e música de Brais das Hortas. Con esta coprodución co Centro Dramático Galego, Teatro ó Cubo pon en marcha o proxecto itinerante de A utópica rodante a modo de "teatro sobre rodas", pensando para públicos de todas as idades co fin de xerar comunidade arredor das artes escénicas
Co mundo do cómic como referencia e combinando teatro actoral e de monicreques, a primeira proposta desta iniciativa confronta a fantasía coa realidade social do rural galego a partir da historia de Vilatriste, onde se instalan uns novos habitantes que son recibidos con estrañeza e confianza pola veciñanza.
Tras a función deste domingo, o espectáculo poderá verse en máis dun cento de municipios das catro provincias coas seguintes datas previstas:
A CORUÑA
| Monfero | 14/05/24 |
| Mesía | 15/05/24 |
| Ribeira | 18/05/24 |
| Lousame | 26/05/24 |
| Brión | 07/06/24 |
| Carral | 13/06/24 |
| Oroso | 26/06/24 |
| Toques | 01/07/24 |
| Val do Dubra | 05/07/24 |
| A Baña | 09/07/24 |
| Culleredo | 16/07/24 |
| Dumbría | 16/07/24 |
| Laxe | 26/07/24 |
| Betanzos | 28/07/24 |
| Curtis | 30/07/24 |
| Ponteceso | 13/08/24 |
| Rianxo | 13/08/24 |
| Boiro | 14/08/24 |
| Cedeira | 14/08/24 |
| Trazo | 26/08/24 |
| Irixoa | 30/08/24 |
| Vilarmaior | 30/08/24 |
| Frades | 31/08/24 |
| Santa Comba | 01/09/24 |
| Vimianzo | 07/09/24 |
LUGO
| Negueira de Muñiz | 12/05/24 |
| A Pobra do Brollón | 19/05/24 |
| Alfoz | 25/05/24 |
| Cervo | 26/05/24 |
| O Páramo | 10/06/24 |
| O Valadouro | 15/06/24 |
| Becerreá | 20/06/24 |
| Monterroso | 23/06/24 |
| O Vicedo | 10/07/24 |
| Samos | 14/07/24 |
| Taboada | 17/07/24 |
| Chantada | 18/07/24 |
| Pantón | 20/07/24 |
| Baleira | 08/08/24 |
| A Fonsagrada | 09/08/24 |
| Castro de Rei | 10/08/24 |
| Meira | 11/08/24 |
| Quiroga | 11/08/24 |
| Rábade | 12/08/24 |
| Ribas de Sil | 17/08/24 |
| Castroverde | 18/08/24 |
| Sarria | 21/08/24 |
| Palas de Rei | 22/08/24 |
| Friol | 24/08/24 |
| Guntín | 25/08/24 |
| Xove | 29/08/24 |
| O Saviñao | 31/08/24 |
| Sober | 14/09/24 |
OURENSE
| Paderne de Allariz | 01/06/24 |
| Vilamarín | 16/06/24 |
| A Peroxa | 22/06/24 |
| San Cristovo de Cea | 27/06/24 |
| Couto Mixto | 06/07/24 |
| Cenlle | 11/07/24 |
| Allariz | 12/07/24 |
| Monterrei | 13/07/24 |
| Vilamartín de Valdeorras | 20/07/24 |
| Cortegada | 21/07/24 |
| Celanova | 25/07/24 |
| A Rúa | 28/07/24 |
| Arnoia | 01/08/24 |
| Avión | 02/08/24 |
| Beade | 03/08/24 |
| Muíños | 03/08/24 |
| A Pobra de Trives | 04/08/24 |
| A Veiga | 06/08/24 |
| A Merca | 07/08/24 |
| O Irixo | 15/08/24 |
| Xunqueira de Ambía | 16/08/24 |
| Rubiá | 23/08/24 |
PONTEVEDRA
| Meaño | 16/05/24 |
| Redondela | 17/05/24 |
| Cambados | 18/05/24 |
| A Estrada | 19/05/24 |
| Moaña | 24/05/24 |
| Nigrán | 31/05/24 |
| Mondariz-Balneario | 08/06/24 |
| A Illa de Arousa | 09/06/24 |
| Covelo | 21/06/24 |
| Mos | 22/06/24 |
| Mondariz | 28/06/24 |
| A Guarda | 29/06/24 |
| Cangas | 30/06/24 |
| Portas | 03/07/24 |
| O Rosal | 04/07/24 |
| Ribadumia | 05/07/24 |
| Bueu | 09/07/24 |
| Cerdedo-Cotobade | 22/07/24 |
| Moraña | 23/07/24 |
| Rodeiro | 24/07/24 |
| Crecente | 27/07/24 |
| A Cañiza | 20/08/24 |
| O Grove | 28/08/24 |
| Silleda | 05/09/24 |
| Barro | 06/09/24 |
| Oia | 13/09/24 |
| Catoira | 15/09/24 |
Ademais, o 2 de xuño o equipo de Vilatriste a Vilalegre viaxará ata a provincia de Zamora para ofrecer unha representación do espectáculo en Lubián.
