A Xunta somete a información pública o proxecto de mellora da estrada OU-212 no treito interurbano do concello de Beariz e na travesía de Liñares, en Avión

• O Diario Oficial de Galicia publica hoxe o anuncio deste trámite, así como os bens, dereitos e propietarios afectados desta actuación de mellora da seguridade viaria, que suporá un investimento de máis de 1,3 M€
• Trátase dunha 1ª fase de acondicionamento do tramo de algo máis de 6 quilómetros desta vía autonómica que resta por optimizar, entre o centro urbano de Beariz e o desvío ao núcleo do Couso
• No treito interurbano de Beariz ampliarase a plataforma da vía ata os 7 metros entre a capitalidade do concello e o quilómetro 7+350, punto no que se aumentará o radio da curva de 30 a 50 metros
• No municipio de Avión humanizarase a travesía de Liñares, coa renovación das beirarrúas para unha maior accesibilidade, xunto co firme da calzada
• O proxecto inclúe, ademais, a renovación da capa de rodaxe en dous tramos da estrada OU-212 en Avión para dar homoxeneidade á actuación
• As persoas interesadas poderán presentar alegacións ao citado proxecto por un prazo de 30 días hábiles, a contar desde mañá