Ana Ortiz felicita ás alumnas do Val Miñor galardoadas co segundo premio Stephen Hawking polo seu estudo sobre os microplásticos na costa
Estas imágenes pertenecen a xunta.gal
- A delegada territorial da Xunta animou a Ariana Antequera e Eva Leyenda a continuar coa súa labor investigadora
Nigrán (Pontevedra), 29 de abril de 2024
A delegada territorial da Xunta de Galicia en Vigo, Ana Ortiz, e o xefe territorial de Educación, César Pérez Ares, visitaron este luns o Instituto de Educación Secundaria Val Miñor para felicitar as dúas alumnas que foron galardoadas recentemente co segundo premio da VI edición do Premio Stephen Hawking convocado polo IES Rosalía de Castro de Santiago.
Ariana Antequera e Eva Leyenda recibiron o premio polo traballo "Estudio da presencia de microplásticos na costa valmiñorana". As dúas alumnas de Segundo de Bacharelato clasificaron e analizaron os plásticos de tamaño inferior a 5 milímetros en mostras de mexillón de roca e en sedimentos intermareal de dous puntos da baía miñorana, unha en Praia América e outra na Madorra.
Outros tres proxectos do IES Val Miñor participaron na convocatoria do Premio. Foron "Alcumes do Val de Miñor, tesouro inmaterial da xente do común", de Paula López Hermida e Martín Rey Álvarez; "Estudo da poboación de berberecho na desembocadura do río Miñor (A Ramallosa, Nigrán)", de Emma Nadien Josiane Brunel e Alicia Fernández Gefaell; e "Análise de hidrocarburos aromáticos policíclicos en sedimentos costeiros do Val de Miñor", de Lara Taboada Álvarez.
