Rueda recibe ás xogadoras e técnicas do Deportivo Abanca despois do ascenso
- Destaca ás xogadoras como un gran exemplo para todas as nenas galegas
- Salienta a importancia deste fito para o deporte feminino en toda Galicia e en toda España
Santiago de Compostela, 22 de abril de 2024
O presidente da Xunta de Galicia, Alfonso Rueda, recibiu hoxe no Pazo de Raxoi ás xogadoras e corpo técnico do Deportivo Abanca, despois de que onte conseguiran o ascenso á primeira división nacional de fútbol feminino tras derrotar ao Cacereño.
No encontro, Alfonso Rueda encomiou o logro do equipo coruñés, que volve á elite do fútbol español despois de tres anos na segunda categoría, e as destacou como un gran exemplo para todas as nenas galegas polo seu esforzo e constancia para cumprir os seus obxectivos.
O presidente do executivo galego rematou a súa intervención felicitando a todas as integrantes do equipo, dando importancia tamén a aqueles cuxo traballo do día a día non destaca tanto pero é fundamental, e o salientou como referente para o deporte feminino que "transcende a toda Galicia e incluso a toda España".
