A Xunta agradece a Enki o seu labor de sensibilización sobre o deporte adaptado e na súa promoción
- Participaron un total de seis centros da provincia e máis de 250 escolares
Lugo, 13 de marzo de 2024
A directora xeral de Persoas con Discapacidade, Begoña Abeijón, participou esta mañá nas xornadas organizadas pola Fundación Enki para alumnado dos centros educativos da provincia de Lugo que tivo lugar no estadio Gregorio Pérez Rivera. Durante o evento agradeceu a esta entidade o seu labor de sensibilización sobre o deporte alumnado ás persoas máis novas da nosa sociedade.
Abeijón lembrou que o Goberno galego colabora coa Fundación Enki para a posta en marcha de encontros deportivos que incentiven o deporte entre as persoas con discapacidade e tamén programas de sensibilización como este Encontro provincial das xornadas de deporte adaptado en centros educativos galegos, que se está a realizar por toda Galicia. En concreto, no ano 2023 destináronse máis de 205.000 euros a financiar as súas iniciativas a través do 0,7% do IRPF e de programas de voluntariado.
Neste encontro provincial participan seis centros educativos da provincia e un total de 250 escolares. En concreto, os centros participantes son: o CEIP Sagrado Corazón (Lugo), CEIP Plurilingüe Benigno Quiroga Ballesteros (Lugo), CEIP As Gándaras (Lugo), CPI Virxe do Monte (Cospeito), o CEIP de Casás (Lugo) e o CEIP Plurilingüe de Covas (Viveiro).
