Trenor visita la mesa informativa de la Asociación Parkinson Galicia-Coruña
Estas imágenes pertenecen a xunta.gal
- A entidade organiza esta actividade hoxe con motivo da conmemoración do Día Mundial do Parkinson
O delegado da Xunta na Coruña, Gonzalo Trenor, visitou hoxe na Coruña a mesa informativa da Asociación de Parkinson Galicia-Coruña instalada no edificio administrativo do Goberno galego en Monelos con motivo do día mundial desta doenza.
O representante do Executivo autonómico trasladou aos representantes da entidade o seu recoñecemento ao traballo que realizan a prol da mellora da calidade de vida destes pacientes e ao grande esforzo feito tamén polos familiares destes pacientes e polos profesionais da asociación.
Trenor destacou a importancia de promover, divulgar e sensibilizar á sociedade sobre esta enfermidade e recalcou a necesidade de recadar fondos para a investigación co fin de axudar as persoas afectadas por esta patoloxía.