Proxecto de decreto polo que se aproba o plan de xestión do monumento natural A Carballa da Rocha, no concello de Rairiz de Veiga (provincia de Ourense)
Órgano ou entidade tramitadora: Dirección Xeral de Patrimonio Natural
Departamento: Consellería de Medio Ambiente e Cambio Climático - Dirección Xeral de Patrimonio Natural
Inicio da tramitación: 11/08/2022
o espazo denominado A Carballa da Rocha declarouse monumento natural mediante o Decreto 45/2007, do 1 de marzo. O obxecto da norma en tramitación é aprobar o instrumento de planificación deste espazo natural protexido. Con este decreto darase cumprimento ao establecido no artigo 59 da Lei 5/2019, do 2 de agosto, do patrimonio natural e da biodiversidade de Galicia, que indica que os monumentos naturais contarán cun instrumento de planificación propio denominado plan de xestión, no cal se establecerá o réxime de usos e actividades permisibles, así como as limitacións que se consideren necesarias para a conservación dos hábitats e das especies.
Aviso: as suxestións deberán enviarse a partir do día 28 de xuño (incluído).
Estado actual: En prazo de envío de suxestións
Prazo para remitir suxestións: 28/06/2024 - 29/07/2024