A Xunta recibe 26 ofertas para a redacción do proxecto para construír 145 vivendas públicas en Garabolos
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- A Sociedade de Vivenda Pública de Galicia (Vipugal) licitou a redacción do proxecto e dirección de obra cun orzamento de 1M€
Estas imágenes pertenecen a Página Oficial de la Xunta de Galicia
Santiago de Compostela, 11 de marzo de 2025
A Xunta vén de recibir 26 ofertas de empresas para a redacción do proxecto e a dirección de obra para construír 145 novas vivendas de promoción pública na parcela B2 en Garabolos, no concello de Lugo. A Sociedade de Vivenda Pública de Galicia (Vipugal) licitou este contrato por 1 M€.
As 145 vivendas sitúanse na parcela B2 de Garabolos, (rúa Paulo Fabio Máximo), que conta cunha superficie de 2.421 m2, e cuxas obras de urbanización foron tamén levadas a cabo pola Xunta.
Esta promoción de vivendas únese a outras tres que ten en marcha a Xunta neste barrio da cidade. Así, a Administración autonómica ten licitado as obras de construción de dous bloques de promoción pública de 70 e 76 vivendas, por máis de 28 M€. E tamén licitou por 1,1M€ a redacción do proxecto para construír outras 169 vivendas públicas na parcela A. Neste caso, as empresas poden presentar ofertas ata o 1 de abril.
A Xunta ten o reto de duplicar nesta lexislatura o parque público residencial para chegar ás 8.000 vivendas. Desde a Sociedade de Vivenda Pública de Galicia vanse promover 2.350 vivendas públicas ata o 2028, para conxuntamente coas impulsadas polo Instituto Galego de Vivenda e Solo (IGVS) chegar a esa cifra.
