Lorenzana reitera o compromiso da Xunta cos traballadores de Alcoa e reclama a convocatoria urxente da mesa de seguimento
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- Insiste en que dispoñer dunha tarifa fixa e axustada ás necesidades das grandes consumidoras de enerxía é clave para a viabilidade do sector e de empresas como a de San Cibrao
- Destaca que a Xunta xa tramitou a totalidade dos parques eólicos vinculados á planta que lle corresponden e que, xunto con outros proxectos auxiliares, son precisos para garantir a viabilidade da planta
- A conselleira de Economía e Industria confirmou que a autorización da ampliación da cota da balsa de lodos vermellos se ditará na primeira quincena de febreiro
Estas imágenes pertenecen a Página Oficial de la Xunta de Galicia
Cervo (Lugo), 27 de xaneiro de 2025
A conselleira de Economía e Industria, María Jesús Lorenzana, reclamou esta tarde a convocatoria urxente da Mesa de Seguimento de Alcoa ao tempo que insistiu en que o Goberno galego seguirá reclamando o cumprimento dos investimentos comprometidos no acordo de viabilidade asinado no ano 2021 por Alcoa, incluída a construción dun forno de ánodos.
Lorenzana mantivo esta tarde un encontro co comité de empresa da planta de San Cibrao para falar sobre o protocolo asinado a pasada semana entre o Ministerio de Industria e Turismo, a Xunta de Galicia, Alcoa e Ignis, no cal todas as partes se comprometen a traballar conxuntamente para garantir a viabilidade futura da factoría luguesa.
Segundo explicou, o protocolo asinado recolle, ao respecto, o compromiso de ambas as dúas administracións de axilizar as autorizacións de proxectos vinculados coa planta. Sobre iso, Lorenzana lembrou que a Xunta de Galicia xa tramitou a totalidade dos parques eólicos que lle corresponden e que, xunto con outros proxectos auxiliares como a autorización da ampliación da cota da balsa de lodos vermellos son precisos para garantir a viabilidade da planta. Ao respecto a conselleira de Economía e Industria confirmou que dita autorización se prevé que sexa ditada na primeira quincena de febreiro "porque é unha infraestrutura clave para a actividade do complexo industrial", subliñou.
Lorenzana tamén insistiu na necesidade de acordar un prezo eléctrico estable e competitivo para a industria electrointensiva. Unha petición que, tal e como apuntou, é clave para garantir a viabilidade do sector e de empresas como Alcoa e que se suma á realizada pola propia Asociación de Empresas de Gran Consumo de Enerxía (AEGE) para que se manteña a redución nas peaxes de acceso ás redes de transporte e electricidade.
A conselleira remarcou ante o comité de empresa que o compromiso do Goberno galego co futuro a longo prazo de Alcoa en San Cibrao é máximo, e volveu trasladarlle todo o apoio da Administración autonómica.
