A Xunta inicia a actualización do proxecto de mellora da rúa Serra de Meira en Lugo, enmarcada no Plan Paradai
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- A Administración autonómica encargou a actualización deste proxecto, cuxo investimento estímase en máis de 600.000 €
- A Xunta retoma esta actuación, na que non podía avanzar polos problemas para compatibilizar as previsións de deseño do PXOM e os requisitos da Confederación Hidrográfica do Miño-Sil
- A previsión é que o proxecto estea redactado a mediados deste ano
- O seguinte paso será a sinatura dun convenio entre e a Xunta e o Concello para desenvolver esta actuación
Estas imágenes pertenecen a Página Oficial de la Xunta de Galicia
Santiago de Compostela, 25 de xaneiro de 2024
A Xunta vai abordar a redacción da actualización do proxecto de execución da mellora da rúa Serra de Meira entre a Ponte Paradai e Carlos Azcárraga en Lugo, unha actuación que se enmarca no conxunto de intervencións do Plan Paradai, e na que non podía avanzar polos problemas para compatibilizar as previsións de deseño do PXOM e os requisitos da Confederación Hidrográfica do Miño-Sil.
A Axencia Galega de Infraestruturas acaba de encargar a redacción desta actualización proxecto, que se espera que estea elaborado a mediados deste ano, e prevese un investimento de máis de 600.000€.
A xestión do anterior proxecto non podía avanzar pola actuación de mellora do río Rato, situado nas inmediacións, prevista pola Confederación Hidrográfica do Miño-Sil. Trala comunicación por parte do Concello da execución desta obra, e entendendo que agora é posible a redacción dun proxecto que desenvolva as previsións do PXOM e sexa autorizado pola Confederación Hidrográfica, a Xunta pode encargar esta actualización do proxecto de Serra de Meira.
Para poder materializar a actuación será necesaria a sinatura dun convenio entre a Xunta e o Concello de Lugo, xa que se mellorará un viario de titularidade municipal e, unha vez finalizada a obra, a infraestrutura pasará a ser de titularidade do Concello.
