A Xunta centralizará e coordinará o envío de profesionais e medios de emerxencias en apoio ás persoas afectadas pola Dana en Valencia
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- O conselleiro de Presidencia, Xustiza e Deportes, Diego Calvo, participou esta mañá nunha reunión por videoconferencia con representantes da Delegación do Goberno en Galicia, da Federación Galega de Municipios e Provincias (Fegamp), das catro deputacións provinciais e de servizos operativos de emerxencias para facer reconto dos medios dispoñibles
- Este primeiro envío realizarase entre mañá e o luns despois de que a Comunidade Valenciana fixese unha nova petición de medios esta madrugada
- Todas as unidades requiridas e dispoñibles das distintas administracións xestionaranse a través do 112 Galicia
Estas imágenes pertenecen a Página Oficial de la Xunta de Galicia
Santiago de Compostela, 2 de novembro de 2024
O conselleiro de Presidencia, Xustiza e Deportes, Diego Calvo, a conselleira do Medio Rural, María José Gómez, e representantes da Consellería de Medio Ambiente e Cambio Climático participaron esta mañá por videoconferencia nunha reunión con representantes da Delegación do Goberno en Galicia, da Federación Galega de Municipios e Provincias (Fegamp) e das catro deputacións provinciais, xunto con responsables de servizos provinciais e municipais de emerxencias de Galicia -consorcios provinciais contra incendios e salvamento, parques de bombeiros das cidades ou Grupos de Emerxencias Supramunicipais (GES)- para coordinar o envío de apoio ás persoas afectadas pola Dana en Valencia tras a petición de novos medios por parte da Comunidade Valenciana.
Así, a Xunta centralizará e coordinará o envío de profesionais e medios de emerxencias que se realicen desde Galicia e que sexan requiridos desde o Centro de Coordinación de Emerxencias da Generalitat valenciana. Realizarase a través do 112 Galicia para que as distintas administracións e organismos poidan comunicar os seus medios dispoñibles e estes datos trasladaranse á Comunidade Valenciana e ao Centro Nacional de Seguimiento e Coordinación de Emerxencias (CENEM).
Tras o encontro de hoxe estase a realizar un reconto dos medios demandados que irán destinados á limpeza das rúas que permitan restablecer a comunicación como está a demandar a Comunidade Valenciana nestes momentos para facilitar así a chegada dos servizos de emerxencias. Este primeiro envío está previsto que se faga de forma inmediata entre mañá e o luns.
No encontro de hoxe tamén participaron representantes da Axencia Galega de Emerxencias (Axega) -incluíndo o Grupo de Apoio Loxístico da Axega (Gali)- da Policía Autonómica, do Grupo de Intervención en Catástrofes e Emerxencias (GIPCE) e doutras asociacións como as asociacións provinciais de voluntarios de Protección Civil, a Unidade Canina de Rescate Cans de Salvamento de Galicia (Casaga), IAE Rescue, Busca e Rescate Integral en Emerxencias de Galicia (Briegal) e Cruz Vermella.
Como lembrou o conselleiro de Presidencia, a Xunta enviou esta semana a Valencia o helicóptero Pesca I de Gardacostas de Galicia para participar nos operativos de busca e rescate de persoas en zonas afectadas pola Dana, e formou parte de dous dispositivos nos que non se localizou a ninguén.
Diego Calvo incidiu que a Xunta está a disposición da Comunidade Valenciana nos medios que demande para colaborar nas tarefas que os centros de mando da autonomía soliciten.
