López Campos asegura que a Xunta mantén o apoio á creación do Museo da Romanización de Galicia en Lugo
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- Lembra que esta colaboración está pendente de que o Concello lucense consiga financiamento europeo ou estatal para reconverter o antigo cuartel de San Fernando
- Salienta os "esforzos e compromiso" do Goberno galego coa capital luguesa, na que anunciou que se investirá uns 7 millóns de euros nos vindeiros anos
Santiago de Compostela, 23 de outubro de 2024
O conselleiro de Cultura, Lingua e Xuventude, José López Campos, asegurou hoxe que a Xunta mantén o seu apoio á creación do Museo da Romanización de Galicia no antigo cuartel de San Fernando, un Ben de Interese Cultural do século XVI, situado na capital lucense. Así o garantiu en resposta a unha pregunta no Pleno do Parlamento, na que lembrou que o Goberno galego "só está á espera" de que o Concello de Lugo consiga financiamento europeo ou estatal para completar esta achega, "tal e como se comprometeu o Executivo local hai agora un ano", lembrou.
"A Xunta de Galicia quere colaborar co Museo da Romanización", aseverou López Campos na súa intervención parlamentaria, onde lembrou que, no pasado mes de xullo, o presidente do Goberno galego, Alfonso Rueda, xa confirmou que a Administración autonómica estaba disposta a colaborar neste proxecto.
No entanto, o conselleiro insistiu en que para esta implicación da Xunta, o Concello de Lugo debe cumprir coa "palabra dada" en outubro do pasado ano ao propio mandatario galego nunha reunión entre ambas as dúas Administracións. Daquela, o Goberno local comprometeuse a conseguir financiamento de fondos, ben europeos ou do Goberno central, co obxecto de que a Xunta completase ca súa achega a partida que será necesaria para reconverter o antigo cuartel de San Fernando en Museo da Romanización de Galicia.
"Polo tanto, xa hai un acordo enriba da mesa", remarcou o responsable de Cultura do Goberno galego, quen incidiu na necesidade de que para a incorporación da Xunta ao proxecto de rehabilitación e reconversión en Museo da Romanización de Galicia "só queda que o Concello de Lugo cumpra coa súa parte".
Compromiso da Xunta con Lugo
En todo caso, López Campos salientou os esforzos e compromiso do Goberno galego coa cidade de Lugo no seu conxunto. A este respecto, destacou os máis de 360.000€ destinados a accións de preservación e conservación da muralla romana ou os 460.000€ que se acaban de licitar recentemente para obras de restauración na catedral.
Ademais, adiantou que nos vindeiros anos a Xunta investirá 7 M€ en actuacións e proxectos na cidade, "moitos destes investimentos provenientes só da Consellería de Cultura, Lingua e Xuventude", precisou para concluír a súa intervención.
