A Xunta destaca o labor dos centros galegos como o de Madrid para reforzar os lazos coa colectividade galega fóra da comunidade
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
Estas imágenes pertenecen a xunta.gal
- José González puxo de relevo o traballo destas entidades a prol da cultura e tradicións de Galicia e o compromiso do Goberno autonómico para asegurar que sigan sendo un punto de referencia e de encontro para a comunidade galega
- Salientou o apoio á mocidade galega no exterior para facilitar o seu contacto coas raíces galegas e promover o retorno daqueles que desexen contribuír ao desenvolvemento da súa terra de orixe
Madrid, 6 de setembro de 2024
O conselleiro de Emprego, Comercio e Emigración, José González, visitou hoxe o Centro Galego de Madrid, onde coñeceu a biblioteca e despachos de coworking dispoñibles neste centro, así como o espazo gastronómico desta entidade e puxo de relevo o seu labor para reforzar os lazos coa colectividade galega na capital e a prol da cultura e tradicións de Galicia -por exemplo a través da Agrupación Rosalía de Castro- e o seu papel como salvagarda dos lazos entre os galegos na capital española e Galicia.
Nesta liña, José González, que na visita estivo acompañado polo presidente desta entidade, Fernando Rey, e polo director da Casa de Galicia en Madrid, Luis Ramos, salientou o apoio da Xunta aos centros galegos para asegurar que sigan sendo un punto de referencia e de encontro para a comunidade galega fóra de Galicia. Ademais, puxo de relevo a importancia de visitas como a de hoxe a este centro fundado en 1892 e as realizadas no mes de xullo a centros da Arxentina e do Uruguai para seguir afianzando o compromiso coa comunidade galega no exterior, tanto nos distintos lugares de España como noutros países.
O titular de Emprego, Comercio e Emigración insistiu na necesidade de seguir tendendo pontes coa colectividade galega no exterior e no papel dos centros galegos como aliados neste fin e embaixadores da cultura e tradicións de Galicia. Este reforzo de vínculos, subliñou, é moi importante para o retorno dos emigrantes galegos que deciden regresar á nosa terra.
Neste sentido, puxo en valor a contribución da emigración galega no desenvolvemento socioeconómico da comunidade poñendo como exemplo que arredor do 20% das persoas atendidas na Rede de polos de emprendemento son retornadas doutros países ou outros puntos de España ou estranxeiras. Isto demostra, engadiu, que Galicia é terra de oportunidades e que os emigrantes galegos que regresan tamén son unha oportunidade para atraer talento e para impulsar o emprendemento.
Ademais, José González destacou a importancia de apoiar a mocidade galega no exterior para facilitar o seu contacto coas raíces galegas e promover o retorno daqueles que desexen contribuír ao desenvolvemento da súa terra de orixe.
A maiores, o conselleiro recoñeceu a contribución dos galegos do exterior ao longo dos anos, que permitiu e permite conservar e difundir a cultura galega e que é fundamental no desenvolvemento das relacións entre Galicia e o resto de España. Neste contexto, aproveitou a ocasión para agradecer á directiva e aos máis de 180 socios do Centro Galego de Madrid o seu traballo para contribuír a unha Galicia mellor.
