Xosé Merelles salienta a oportunidade que ofrece o bo momento do turismo para emprender
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- O director de Turismo de Galicia participa na inauguración do complexo turístico Porto Cabana by Miramar Stays que vén de porse en marcha en Cabana de Bergantiños
Cabana de Bergantiños (A Coruña), 29 de xuño de 2024
O director de Turismo de Galicia, Xosé Merelles, participou hoxe na apertura do complexo turístico Porto Cabana by Miramar Stays en Cabana de Bergantiños, onde salientou a oportunidade que está a ofrecer o bo momento do turismo para emprender no sector.
Xosé Merelles referiuse aos bos datos sobre o mes de maio no sector hoteleiro que foi o mellor en termos de viaxeiros, noites e rendibilidade e no que Galicia foi a terceira comunidade autónoma que medrou máis intensamente. "Nos cinco primeiros meses do ano a rendibilidade do sector hoteleiro medrou un 7%", engadiu.
O director de Turismo agredeceu aos impulsores do proxecto a súa aposta por emprender na Costa da Morte e facelo "cunha proposta para o ámbito familiar e interesado pola natureza, deporte, cultura, que será muy importante na Estratexia de Turismo de Galicia 2030 na que estamos a traballar".
O novo complexo turístico está composto por 15 chalets e 3 apartamentos adaptados a usuarios con mobilidade reducida e zonas comúns nas que disfrutar da natureza e a tranquilidade. Con vistas á desembocadura do río Anllóns e caracterizados por un deseño especial, os apartamentos disponen tamén de instalacións de ocio e deportivas, zona wellness ou sala de lectura. Están orientados ao turismo familiar e perseguen a inmersión cultural no destino, enfocando a estadía ao deporte e benestar, ao descubrimento da gastronomía da zona.
Lévao a cabo Miramar Stays, a nova división aloxativa da axencia online con sede no porto da Coruña Miramar Cruises S.L, a primera e única axencia online especializada de Galicia na venda de cruceiros turísticos. Neste 2024, tras 12 anos de traxectoria, a empresa impulsou o nacemento deste novo proxecto de intermediación turística baseada nos aloxamentos singulares, ubicados en contornas privilexiadas distinguidos polo seu respecto á paisaxe, ao medio ambiente e enfocados ao viaxeiro sensibilizado coa natureza e a beleza dos lugares nos que se hospeda.
