A Xunta restablece desde o 1 de xullo as paradas nas parroquias de Carnoedo e Veigue en catro servizos de autobús que conectan Sada e a Coruña de luns a venres
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- Os servizos das 07,30 horas e as 08,30 horas recuperan a saída desde Sada e os que saen ás 06,30 e ás 22,00 horas de Entrexardíns prolónganse de Lorbé a Sada
- Incorpórase un novo servizo ás 09,30 horas co mesmo percorrido que reforza a conexión A Coruña-Sada nesa franxa horaria
Estas imágenes pertenecen a Página Oficial de la Xunta de Galicia
Santiago de Compostela, 28 de xuño de 2024
A Xunta restablece desde o luns 1 de xullo as paradas nas parroquias de Carnoedo e Veigue en catro servizos de autobús que conectan Sada e A Coruña de luns a venres.
O traballo de seguimento levado a cabo pola Consellería de Presidencia, Xustiza e Deportes tras a reestruturación dos servizos de transporte público no corredor A Coruña-Oleiros-Sada que se puxo en marcha o 22 de xuño, con máis de 130 servizos adicionais á semana entre A Coruña e Lorbé, en Oleiros, permitiu detectar un desaxuste en catro frecuencias que funcionan de luns a venres, así como a posibilidade dun novo servizo entre A Coruña e Sada.
As necesidades detectadas resólvense xa a partir do 1 de xullo, coa reactivación do percorrido entre Sada e Lorbé, en ambos os dous sentidos, de catro servizos que conectan con Entrexardíns.
Os servizos das 07,30 horas e das 08,30 horas recuperan a saída desde Sada e as paradas ao longo das parroquias de Carnoedo e Veigue, para continuar ata Entrexardíns.
Desde A Coruña, volven chegar ata Sada o servizo con saída de Entrexardíns ás 06,30 horas e o das 22,00 horas, co mesmo percorrido polas parroquias do norte de Oleiros e Sada. Ademais, refórzase esta conexión cun novo servizo ás 09:30 horas.
A información relativa aos servizos estará dispoñible para a súa consulta na páxina web www.bus.gal.
